Beste Tuurhouters en Tuurhouterinnekes,

Toen vorst Peter bie os aanbelde, hoofde ich gein twee keer noa te denke. Wat vènj ich t sjiek om same mit miene prins Patrick I veurop te goan deze vastelaovend en d’r same mit uch en os jeugprinsepaar, jeugprins Kik I en jeugprinses Iris, ein ònvergeatelik sezoen van te make!

Ich bèn gein gebaore, mer waal ein trotse getaoge Tuurhouter. Auwt prins Wil VII, mer veur mich geweun pap, heat mich dan auch vanaaf mien 8e eedere vastelaovend kennis laote make mit de Göttekaovese vastelaovend. Dat beveel mich zo good, dat ich hie ben gebleve, vrunj veur ‘t laeve höb gemaak en miene prins Patrick I höb ontmoet in ’t Waeske. Hie ben ich dan noe auch trotse veurzitter van en trek ich same mit mien vrunj die kar!

Om o.a. de vastelaovend te bekostige ben ich werkzaam in de “Finance” bie W.G. Salari Transport BV en dat bevèlt mich erg good! Doanaeve kens se prins Patrick I en mich altied waal vènje op de dansvloer van ein leuk feeske en ligge veer gaer same op de bank te Netflixe. As veer dan nog geldj euver höbbe, beheurt michzelf veurzeen van de nuujste kledingtrends, auch tot mien dagelijkse bezigheden!

“Ich bèn van Göttekaove, al kom ich sjus van boete, in dit dörpke bèn ich toes!” © Dreamteam

Tuurhouters, alaaf!

Prinses Audrey